| |
Ber hefur ákveðið að færa út kvíarnar og flytja inn vín frá Chile, sem eru mjög vinsæl hér á landi um þessar mundir. Fyrir valinu varð hin metnaðarfulla víngerð Anakena í Rapel dalnum.
Carmenère Single Vineyard 2003, sem er fyrsta vín Anakena sem fer á íslenzkan markað, var valið bezta Carmenère-vín Chile í fyrra af Víndómþingi Chile í fyrra en sá dómur samanstendur m.a. af Englendingunum frægu Oz Clarke og Steve Spurrier.
Til að byrja með verða 3 Anakena-vín fáanleg, fyrrgreindur Carmenère S.V. 2003, Chardonnay Reserva 2004 og óeikaður, hressilegur en dálítið ungur og groddalegur Carmenère 2005.
Öll þessi vín teljast verðugir fulltrúar Chile í annars ágætu úrvali hérlendis.
|
