| Perelada 5 Finques Reserva |
 |
|
|
|
| Lýsing: |
Dökkkirsuberjarautt með fjólublárri rönd [unglegt]. Kröftugur svartur ávöxtur, krydd-, súkkulaði-, vanillu- og balsamilmur. Sumir finna líka romm og kókos sem minnir á rommkúlur! Mikill kraftur og góð fylling í bragði sem er breitt, langt og þykkt {eins konar teningur?}. Langt eftirbragð með sterkum persónuleika.
5 Finques [katalónska] {áður Fincas [sp.], sjálfstæðisbarátta Katalóna} vísar til þeirra fimm víngarða sem þrúgur vínsins koma úr. Jarðvegur er mismunandi milli garðanna fimm: Finca Malaveïna {Víngarður vonda nágrannans - yndislegt} [rauður leir, granít stórgrýti], Pont de Molins [leir, fíngerður jarðvegur], La Garriga [sandur, möl og kvartzgrjót], Espolla [flöguberg] og Finca Garbet {einhver fallegasti staður í heimi - sjá forsíðu Bers} [flöguberg].
Vínið er gert úr 7 þrúgutegundum: Garnatxa, Cabernet Sauvignon, Merlot, Syrah, Samsó [sp. Cariñena], Monastrell og Cabernet Franc.
Þetta glæsilega kraftavín endurspeglar vel fjölbreytilegan jarðveg Emporda [sp. Ampurdan] og þrúgnasamsetningu.
Með sérstökum samningi milli Perelada og Bers hefur tekizt að halda verðinu í nokkur ár undir 3 kKr en veiking krónu neyddi okkur til að hækka verðið í 3.111.
Núna lækkum við verðið aftur niður fyrir 3kKr í von um að vínið haldi sæti sínu í Vínbúðunum.
|
| Vara Bers: |
CP4015 |
| Framleiđandi: |
Castillo Perelada |
|
| Ár: |
2015 |
| Áfengismagn: |
14 % |
| Lítrar: |
0,75 |
| Verđ ÁTVR: |
2.888 |
| Vnr ÁTVR: |
09747 |
| Annað: |
Hentar grillsteikum, sérstaklega lambi og nauti og {á viðeigandi árstíma} villibráð. |
|
|
