| |
Þeim hætti Bers að flytja heim beztu vín hvers lands er nú við haldið með komu Achaval Ferrer frá Argentínu í Vínbúðir Lýðveldisins. Enski vínspekingurinn Hugh Johnson telur Achaval Ferrer beztu víngerð Argentínu. Meðal annars með ameríska þemadaga í huga var hófanna leitað hjá sérvitringunum í Mendoza. Manuel Ferrer, annar stofnenda víngerðarinnar, reyndist hinn skemmtilegasti karl og fannst talsvert til koma að flytja vín til Íslands.
Í fyrstu sendingu frá A-F komu vínin Quimera og Finca Altamira, sem bæði eru mjög dökk og samanrekin vín. Bæði þurfa þau langa geymslu, þó sérstaklega Altamira (sem stundum er kallað Álftamýrarvínið vegna hljóðlíkingar).
|
